26 Fevral Xocalı faciəsinin 24 ildönümünün anım mərasimi
26.02.2016-cı il tarixində dərs öncəsi məktəbin foyesində məktəbin tarix müəllimi Rzayev Əhəd şagirdlər qarşısında Xocalı faciəsinin 24-cü ildönümü ilə əlaqədar Xocalı hadisələri ilə bağlı çıxış etdi. O, qeyd etdi ki, " 1992-ci il fevralın 25-dən 26-na keçən gecə Ermənistan silahlı qüvvələri tərəfindən Rusiyanın 366-cı motoatıcı alayının iştirakı ilə Xocalı şəhərini işğal edərkən, etnik azərbaycanlılara qarşı baş vermiş soyqırımdır. 1992-ci il fevralın 25-dən 26-na keçən gecə Ermənistan silahlı qüvvələri 366-cı motoatıcı alayın zirehli texnikası və hərbi heyətinin köməkliyi ilə Xocalı şəhərini işğal etdi. Hücumdan əvvəl fevralın 25-i axşam şəhər toplardan və ağır artilleriyadan şiddətli atəşə tutuldu. Mühasirəyə alınan şəhərdə qalmış təqribən 2500 nəfər xocalılı Ağdam rayonunun mərkəzinə çatmaq ümidi ilə şəhəri tərk etdi. Bir gecədə yer üzündən silinən Xocalı sakinlərindən 613 nəfər güllələndi, 8 ailə tamamilə məhv oldu,25 uşaq hər iki valideynini, 130 uşaq valideynlərindən birini itirdi,yaralanan 478 nəfərdən 76 sı uşaq idi. Həmin gecə 1275 nəfər əsir götürüldü, 150 nəfər itkin düşdü."
