Xocalısız 27 il adlı tədbir keçirildi
Xocalı faciəsinin 27ci ildönümünü qeyd edirik. VIII siniflər Xocalı ilə bağlı tədbir hazırladı.Tədbirdə qeyd edildi ki, dünya tarixində misli görünməyən dəhşətlərlə yadda qalan Xocalı faciəsi 1992- ci il fevralın 25-dən 26-na keçən gecə baş vermişdir.Həmin gecə əli, ayağı yalın günahsız insanlar ev eşiklərindən didərgin düşərək meşələrə, çöllərə üz tutdu.Gözünü qan tutmuş, vəhşiləşmiş ermənilər nə qocaya , nə uşağa, nə qadına aman vermədən başlarına olmazın oyunlar açdılar. Başını itirmiş camaat arxalarına baxmadan baş götürüb getmək istəsədə, 1275 nəfər əsir düşdü, 613 nəfər həlak oldu, 8 ailə tamam dağıldı, 150 nəfər itkin düşdü. Dünya mətbuatında yazılanları nəzərə alsaq belə bir faciə heç vaxt görülməyib. Dünya ölkələrinin bəziləri bu faciəni soyqırım kimi qəbul edib.
