"Aydınlığa doğru" Milli mənəvi dəyərlərin qorunması İctimai Birliyinin seminarı keçirildi
22.02.2016-cı il tarixində məktəbdə VIII, IX, X siniflərin iştirakı ilə "Aydınlığa doğru" milli mənəvi dəyərlərin qorunması İctimai birliyinin seminarı keçirildi. Seminar zamanı ictimai birliyin nümayəndəsi çıxışınnda qeyd etdi ki, "Ailə kiçik bir akademiyadır " devizi altında layihə keçirilir. Həmin layihə haqqında məlumat verərkən bildirdilər ki,ailə akademiyası layihəsi tənəzzüldə olan ailə dəyərlərinin bərpasına yönəlib. Cəmiyyətin müxtəlif yaş təbəqələrini əhatə edən layihə ailə dəyərlərinin vacibliyini özündə əks etdirir. Layihənin məqsədi bu istiqamətdə cəmiyyətimizdəki mövcud problemləri aradan qaldırmaq işində ailə institutlarına dəstək olmaqdır. Daha sonra ailələrin dağılmasının səbləbəri haqqında söhbət açıldı. Söhbət əsnasında ictimai birliyin keçirdiyi "Mənim ailəm" (slayd-şou) müsabiqəsi haqda məlumat verildi.Bu layihələrin davamlı olacağı söylənildi.
