Gənc rəssamlarımızın "DOĞMA DİYAR" rəsm müsabiqəsində uğuru
20 dekabr tarixində Azərbaycan Respublikası Mədəniyyət Nazirliyi, Azərbaycan Rəssamlar İttifaqı, Azərbaycan Televiziya və Radio Verlişləri Qapalı Səhimdar Cəmiyyəti, Xətai Rayon İcra Hakimiyyəti, 3 nömrəli Uşaq Gənclər İnkişaf Mərkəzinin dəstəyi, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə “Azərbaycan Xalq Cümhuriyyəti İli” çərçivəsində “DOĞMA DİYAR” Respublika uşaq rəsm müsabiqəsinin yekun sərgisi Xətai Sənət Mərkəzində keçirildi.
Tədbiri Giriş sözü ilə açan Fəlsəfə və Elmlər Namizədi Sənətşünas Samir Sadiqov sərginin əhəmiyyətindən danışdı və uşaqlara xoş arzularını dilədi. Bundan başqa Azərbaycan Rəssamlar İttifaqının katibi Professor Ağaəli İbrahimov, Sənətşünas Əməkdar İncəsənət Xadimi Ziyadxan Əliyev, Dövlət Rəsm Qalereyasının direktoru Qalib Qasımov, Əməkdar rəssam Rəfael Muradov, Rəssam Emin Akifoğlu, Xətai Sənət Mərkəzinin direktoru Zahid Əvəzov çıxış etdilər.
12 -17 yaş arası uşaqlar arasında 135 uşağın 140 işi təqdim olunan tədbirdə uşaqlarda estetik zövqün formalaşması, onların bədii yaradıcılığının stimullaşdırılması, ətraf mühitə münasibət və ona yanaşma tərzinin mükəmməlləşməsi, vətənə məhəbbət hisslərini aşılamaq məqsədi ilə keçirilən müsabiqədə uşaqlar yaşadığı yerin (şəhərin, rayonun, kəndin) təbiət mənzərələrini, tarixi abidələrini, mətbəx nümunələrini, səciyyəvi geyim tərzini, qəhramanlarının obrazlarını və s. öz duyğuları ilə tablolarında əks etdirmişlər
Müsabiqədə məktəbimizin istedadlı şagirdləri Fəttahova Aytən (IX"A"), Quluzadə Fatimə (lX"C") uğurla iştirak edərək, diplomla təltif olundular. Şagirdlərimizə yaradıcılıq uğurları arzulayırıq.
https://azertag.az/xeber/Dogma_diyar_resm_musabiqesinin_yekun_sergisi_achilib-1226626
http://olaylar.az/news/medeniyyet/311999
http://azpress.az/index.php?lang=az§ionid=news&id=85722
