X-XI siniflərlə QİÇS-lə mübarizə günü barədə söhbət aparıldı
Qazanılmış İmmun Çatışmazlığı Sindromu - İİV (İnsanda İmmunçatışmazlığı Virusu) infeksiyası fonunda inkişaf edən və CD4+ limfositlərinin azalması ilə xarakterizə olunan, mahiyyəti etibarilə İİV infeksiyasının son mərhələsi. QİÇS-in təzahür formaları özünü çoxsaylı opportunistik yoluxucu və qeyri-yoluxucu xəstəliklərlə biruzə verir. Sadə şəkildə desək, bu virusa yoluxmuş insanların immun-müdafiə sistemi kəskin zəifləyir və onlar bir çox xəstəliklərə asanlıqla tutulurlar. Bu xəstəliklər ölümə nəticələnir.
Məktəbin tibb bacısı Mirzəyeva Zinyət X-XI sinif şagirdləri ilə 1 dekabr Ümumdünya QİÇS günü ilə bağlı söhbət apardı. Z.Mirzəyeva İİV/QİÇS-lə mübarizənin gücləndirilməsi, insanların öz İİV-statusuna dair məlumatlandırılması, biliklərin artırılması, yoluxma hallarının erkən aşkarlanması və profilaktikasının genişləndirilməsi haqqında söylədi. O, qeyd etdi ki, 1988-ci ildən hər il 1 dekabr Ümumdünya Qiçslə mübarizə günü kimi qeyd edilir.
QİÇS-in yaranma səbəblərindən söhbət aparıldı. Qeyd edildi ki, ən çox bu virusa zərərli vərdişlərdən istifadə edən şəxslər yoluxur. QİÇS-dən qorunmağın yeganə yolu sağlam həyat tərzi keçirmək və təsadüfi adamlarla münasibətlərdə ehtiyatlı olmaqdır.
Hər bir şagird məktəb vaxtından bu məlumatları bilməli və sağlam həyat tərzini seçməyə qadir olmalıdır
