"2 Fevral Gənclər günü" ilə bağlı tədbir keçirilib
05 Fevral 2016 -cı il tarixində məktəbdə vətənpərvərliklə bağlı "2 Fevral Gənclər günü"nə həsr olunmuş tədbir keçirildi. Tədbirdə şagirdlər Azərbaycanın qədimliyindən danışaraq yetişdirdiyi igid oğullar qəhrəmanlar haqqında danışdılar. Qeyd etdilər ki, "Biz gənclər bu gözəl vətənimiz Azərbaycanı sevməyi Cavanşirdən , Babəkdən, Koroğludan Mehdi Hüseynzadədən, Çingiz Mustafayevdən, Mübariz İbrahimovdan, Fərid Əhmədovdan və adını çəkmədiyimiz neçə-neçə gözəl insanlardan öyrəndik və öyrənirik. " Gənclər gününün keçirilməsi ilə bağlı çıxışlarında qeyd etdilər ki, 1998-ci il avqustun 8-12-nə kimi Lissabonda "Gənclərlə iş aparılmasını və gənclərin beynəlxalq səviyyədə irəli çəkilməsini, onların hərtərəfli inkişafını təşkil etmək üçün konfrans keçirildi və avqustun 12-ni Beynəlxalq Gənclər günü elan etdilər. Ümumilli lider Heydər Əliyev də gənclərə böyük qayğı və diqqət göstərirdi. O, çox gözəl bilirdi ki, ölkənin gələcəyi gənclərin əlindədir.1996-cı ildə Azərbaycanda fevral ayında gənclər forumu keçirildi və bu formda ümumilli lider Heydər Əliyev müstəqil Azərbaycan gəncləri qarşısında çox böyük tələblər qoydu. Gənclərin I forumunda qərara alındı ki 2 Fevral -Azərbaycanda Gənclər günü kimi qeyd olunsun." Tədbir müsiqi nömrələri ilə davam etdirildi.
