"20 yanvar şəhidlərinin anım günü" ilə bağlı tədbir keçirilib
19.01.2016-cı il tarixində məktəbdə 20 yanvar şəhidlərinin anım günü ilə əlaqədar məktəbin Uşaq Birliyi Təşkilatı rəhbərinin hazırladığı "Qanı və şanlı tariximiz-20 yanvar" adlı tədbir keçirildi. Tədbir Azərbaycan Respublikasının Dövlət Himni ilə başlayaraq şəhidlərin xatirəsini 1 dəqiqəlik sükutla yad edilməsi ilə davam etdi. Şagirdlər Azərbaycan xalqının müstəqiiliyə doğru bu günə qədər keçdiyi yoldan danışaraq şəhidlərin qanı bahasına qazanılmış azadlığı, müstəqilliyin qorunub saxlanılmasında biz gənclərin rolunun böyük olduğunu qeyd etdilər. Həmin günün -20 yanvar faciəsinin dəhşətlərini şeirlərlə səhnəciklərlə tamaşaçılara çatdırdılar. Göstərilən videoçarxlar həmin günün dəhşətlərini göz önünə gətirdi.Tədbirdə məktəbin direktoru Mehtiyeva Narınc çıxışında qeyd etdi ki, o günün dəhşətləri hələ gözümüz qarşısındadır, hər həmin hadisələri xatırlayarkən sanki o günlərə qayıtmış olduğunu bildirdi. Tədbirdə qonaq qismində 20 yanvar şəhidi Baloğlan Bağırovun qardaşı H.Abbasov adına Mədəniyyət evinin Metodisti Salman Bağırov və Mədəniyyət evinin rəhbəri Qədimov Kamal da iştirak edirdi. S.Bağırov həmin günləri xatırlayaraq qardaşı ilə bağlı xatirələrindən danışdı. Tədbirdən sonra məktəbin şagirdləri qəsəbədə yerləşən Şəhidlər Xiyabanına gedərək vətən yolunda şəhid olmuz həmyerlilərimizin məzarına gül dəstələri qoydular.
