Məktəb rəhbərliyi ağacəkmə aksiyasında
Bakı Şəhəri üzrə Təhsil İdarəsi tərəfindən ümummilli lider Heydər Əliyevin anadan olmasının 95-ci ildönümünə həsr olunmuş Ramana qalasının ətəyindəki yaşıllıq sahəsində ağacəkmə aksiyası keçirilib. Aksiyada məktəb rəhbərliyi də iştirak edib. Aksiyada BŞTİ-nin müdiri Məhəbbət Vəliyeva, Milli Məclisin deputatı Dilarə Cəbrayılova, Sabunçu Rayon İcra Hakimiyyətinin nümayəndələri və Sabunçu rayon məktəblərinin direktor və direktor müavinləri də iştirak edib.
Ağacəkmə aksiyası Azərbaycan Respublikasının Dövlət himninin səsləndirilməsi ilə başlayıb. Ramana qalasının ətəyindəki yaşıllıq sahəsində təşkil olunan aksiyanın əsas məqsədi ətraf mühitin mühafizəsinə və ekoloji durumun yaxşılaşdırılmasına hər zaman böyük önəm vermiş ulu öndər Heydər Əliyev irsini davam etdirmək, yaşıllaşdırma ənənələrini daha da genişləndirmək, insanlar arasında ekoloji mədəniyyəti, təbiətə olan qayğı hissini təbliğ etməkdən ibarətdir.
