Məktəbdə 31 Dekabr Dünya azərbaycanlılarının həmrəylik günü və yeni il şənliyi keçirilmişdir.
29 Dekabr tarixində məktəbdə "31 dekabr dünya azərbaycanlılarının həmrəylik günü" və Yeni il şənliyi keçirildi. Tədbirdə məktəbin müəllim və şagirdlərindən başqa Maştağa qəsəbəsi H.Abbasov adına Mədəmiyyət evinin direktoru Qədimov Kamal müəllim və Mədəniyyət evinin metodisti Salman Bağırov da iştirak edirdi. Şagirdlərin hazırladığı səhnəciklər, müsiqi nömrələri, ifalar tədbiri daha da rəngarəng etdi. İlk öncə şagirdlər "31 dekabr dünya azərbaycanlılarının həmrəylik günü"nün yaranması barədə məlumat verdilər, daha sonra dünyada yaşayan azərbaycanlıların Azərbaycan üçün gördüyü işlərdən , Azərbaycanı dünyada tanıtmaq məqsədilə xaricdə yaşayan diasporanın işinindən məlumat verdilər. Şaxta baba və Qar qızı uşaqları əyləndirdilər, onların sevincinə şərik oldular. Direktor və tədbirin qonaqları da öz növbəsində çıxışlarında hamını həmrəy olmağa çağırdılar.
