Şagirdimiz "Mənim Azərbaycanım" adlı rəsm müsabiqəsində
Məktəblilərin sevimli dəftərxana ləvazimatları markası olan “Oyal Ofisait” mağazalar şəbəkəsuinin təşkilati dəstəyi ilə ” Mənim Azərbaycanım” mövzusunda rəsm müsabiqəsində məktəbimizin xüsusi istedadlı şagirdi Əliyeva Nuranə iştirak etdi. Rəsm müsabiqəsi Azərbaycan Xalq Rəssamı, professor Arif Hüseynovun iştirakı ilə təşkilatçının öncədən təyin etdiyi ünvanda həyata keçirildi. Hər bir iştirakçının istifadəsinə 1 ədəd molbert, 45x60sm ölçülərində kağız və iştirakçının istəyinə uyğun olaraq Oyal markalı rəgli karandaş, sulu boya və rəsm çəkən zaman öz istedadını ən uğurlu ifadə edə biləcəyi istənilən texniki ləvazimatlarla təmin olundu. Müsabiqə günü hər bir iştirakçıya xalq rəssamı ilə fərdi master klas keçməsinə şərait yaradıldı, daha sonra iştirakçılar “ Mənim Azərbaycanım” mövzusunda rəsm çəkdilər. Azərbaycanın milli qablarını zəngin ornamentlərlə təsvir edən şagirdimiz xalq rəssamının rəğbətini qazanmış, növbəti mərhələlərdə ona uğurlar arzulamışdır. 6 ay ərzində davam edəcək müsabiqədə çəkilən bütün əsərlər təşkilatçıda toplanacaq, 15.06.2018-ci il tarixdə qaliblərin adı açıqlanacaq, ilk 3 yerin qalibi Oyal Ofisait mağazalar şəbəkəsindən 300azn, 200azn,100azn məbləğində hədiyyə kuponu və xüsusi mükafatla təltif olunacaq. Şagirdmiz Əliyeva Nuranəyə bundan sonrakı fəalyyətində uğurlar arzu edirik.
