Şagirdlərin fərdi sərgiləri davam etdirilir
İstedadlı şagirdlərin üzə çıxarılması çərçivəsində nəzərdə tutulmuş fərdi sərgilər davam edir. Belə ki, noyabr ayında daha 3 şagirdin fərdi sərgisi təşkil edildi. VIII "A" sinif şagirdi Fəttahova Aytən, VIII "C" sinif şagirdləri Mahmudova Fidan və Quluzadə Fatimənin təsvir etdiyi kompozisiyalar məktəb kollektivinin nümayişinə təqdim olundu. Təsviri incəsənət müəllimi Pənahova Aybəniz hər üç şagirdin xüsusi yaradıcı təxəyyülə sahib olduqlarını, müxtəlif texnikalarda (akvarel, quaş,pastel, tuş, sadə qələm və s.) sərbəst təsvirlər yaratdıqlarını qeyd etdi.
