"Narkomaniya və onun maddi-mənəvi zərərləri" mövzusunda seminar keçirildi
03.11. 2017- ci il tarixdə məktəbdə IX-XI sinif şagirdlərini iştirakı ilə"Narkomaniya və onun maddi-mənəvi zərərləri" mövzusunda seminar keçirildi. Məktəbin direktoru Narınc Mehtiyeva bu məlumatlandırıcı seminarı təşkil etdiyinə görə polis bölməsinin nümayəndələrinə minnətdarlığını bildirdi, eləcə də şagirdləri bu kimi pis vərdişlərdən uzaq durmağa çağırdı. Seminarda çıxış edən Sabunçu rayonu Polis İdarəsinin yetkinlik yaşına çatmayanlarla profilaktik işin təşkili bölməsinin rəisi, polis mayoru Əli Babayev günümüzün ağır və acınacaqlı bəlası olan narkomaniya və onun maddi - mənəvi ziyanları barədə geniş söhbət açdı. O, həmçinin statistik faktlara istinadən bildirdi ki, narkomanlığın getdikcə yeniyetmə və gənclər arasında yayılması çox acınacaqlı haldır. Bu gün bəzi qurumlar belə halların qarşısını almaqla mübarizə apararkən bəzi şəxslərin bu kimi halların yayılmasında böyük rolu var. Belə məlumatlandırıcı seminarların keçirilməsində məqsəd şagirdlərin eləcə də cəmiyyətin bu cür hallara qarşı hazırlıqlı olmaları, heç bir halda narkotik və psixotrop maddələrdən istifadə edilməməsidir. O, həmçinin narkotik vasitələrin insan oranizminə vurduğu ziyanlar barədə məlumat verdi.Sonra Maştağa qəsəbəsi 14 № li polis bölməsinin YYÇ işləri üzrə baş inspektor polis mayoru Rafiq İsmayılov narkomaniyanın, ümumilikdə zərərli vərdişlərin insan həyatına təsirindən danışıldı. Narkomaniyanın törətdiyi bəlalar, insanlara ailələrə psixoloji təsiri, fəsadları haqqında məlumat verilərək şagirdlər dolğun təəssurat yaratmaq məqsədilə səhnəciklər göstərildi, videoçarxlar nümayiş etdirildi.
