"9 Noyabr Dövlət bayrağı günü" ilə bağlı inşa müsabiqəsi keçirildi
Məktəbin X sinfində "9 Noyabr Dövlət bayrağı günü" ilə bağlı inşa müsabiqəsi keçirildi. Şagirdlər bayrağımızla bağlı bildikləri məlumatları inşalarında əks etdirdilər. Onlar inşalarında Azərbaycan Respublikasının Dövlət bayrağı Azərbaycan dövlətinin suverenliyi rəmzi olduğunu, bu gün Azərbaycan Respublikası üzərində dalğalanan müqəddəs Dövlət Bayrağımız- milli bayrağımızın ilk dəfə 1918-ci il noyabrın 9-da Bakıda, Azərbaycan Xalq Cümhuriyyəti Nazirlər Şurasının yerləşdiyi binada qəbul edilmiş və qaldırılmış olduğunu, müstəqil Azərbaycanın dövlət bayrağındakı üç rəngin ifadə etdiyi və XX əsrin əvvəllərindəki milli istiqlal ideologiyamızın üç təməl prinsipini təşkil edən “Türkçülük, islamçılıq və müasirlik” düsturunun müəllifi görkəmli Azərbaycan mütəfəkkiri Əli Bəy Hüseynzadənin olduğunu qeyd etdilər.İnşalar ədəbiyyat müəllimləri tərəfindən yoxlanılaraq qalib müəyyən ediləcək.
