Dahi Bülbülə həsr edilən dəyirmi masa təşkil edildi
Bülbülün 120 illik yubileyinin keçirilməsi ilə bağlı tədbirlər davam etdirilir. Məktəbin VI sinfində " Bülbül unudulmaz sənətkardır" -mövzusunda dəyirmi masa keçirildi. Şagirdlərlə Büllbülün uşaqlıq illərindən başlayaraq dahi, əvəz olunmaz bir ifaçi kimi tanındığı illərə kimi olan həyatı haqqında geniş söhbət aparıldı. Şagirdlərə Bülbülün uşaq vaxtı ifa etdiyi muğamların əslində elə də asan muğamlar olmadığı haqqında məlumat verildi. Daha sonra Bülbülün ifasinda ilk Azərbaycan romansları dinlənildi. Dahi Bülbül iştirak etdiyi operalarda ən gözəl rolların ifaçısı olmuşdur. Buna sübut olaraq şagirdlərə Bülbülün ifasında müxtəlif rollarda iştirak etdiyi tamaşalardan fraqmentlər nümayiş etdirildi. Sonda gözəl sənətkarın oğlu Polad Bülbüloglunun həyatını da nəzərdən keçirərək ifasına qulaq asdılar .
