22 May "Beynəlxalq biomüxtəliflik günü"dür
"22 may Beynəlxalq bioloji müxtəliflik günü" kimi qeyd olunur. Məktəbin biologiya müəllimi Yolçuyeva Nərmin biologiya dərslərində bu mövzuya toxundu. Müəllim VI "A" sinfində biologiya dərsini qeyri standart formada həyətdə təbiətin qoynunda keçdi. O, Beynəlxalq bioloji müxtəliflik günü barəsində məlumat verərkən bildirdi ki, 2000-ci il dekabrın 20-də BMT-nin Baş Assambleyası 55/201 nömrəli qətnaməyə əsasən 22 may tarixini Bioloji müxtəliflik üzrə Konvensiyanın qəbul olunması, həmçinin “Beynəlxalq bioloji müxtəliflik günü” elan etmişdir. Sonra şagirdlərlə respublikamızın bioloji müxtəlifliyi barədə sorğu apardı. Sorğu zamanı şagirdlər Azərbaycan ərazisində olan bitkilər, heyvanlar barədə , adı Qırmızı kitaba düşən bitki və heyvanlar barədə məlumat verdilər.
