10 may Mülki Müdafiə günüdür
10 may Mülki Müdafiə günü qeyd edilir. Bu münasibətlə məktəbdə bir sıra tədbirlər həyata keçirildi. İlk öncə fövqəlad' vəziyyət zamanı insanların davranışı, onların özünü müdafiəsinə həsr edilən sərgi təşkil edildi. Səhər sıraların qəbulu zamanı məktəb üzrə Mülki müdafiə qərargah rəisi şagirdlərə bu günlə bağlı məlumat verdi. Daha sonra müəyyən siniflərdə dərs zamanı şagirdlərə mülki müdafiə günü ilə bağlı videoçarxlar nümayiş etdirildi. X sinifdə Gənclərin Çağırışaqədərki Hərbi hazırlıq dərsi zamanı məktəbin hərbi rəhbəri kapitan Qarabağ qazisi Manafov Manaf və tibb bacısı Mirzəyeva Zinyət şagirdlərlə yaralı insanları zəhərli ərazidən necə çıxarmaq lazım olduğunu və onlara ilk tibb yardımın necə göstərilməli olduğunu əyani şəkildə göstərdilər.
