108 nömrəli tam orta məktəbdə "Bilik Günü"
Bütün ümumtəhsil məktəblərdə olduğu kimi 108 nömrəli tam orta məktəbdə də "15 sentyabr - Bilik Günü" qeyd olundu. Azərbaycan Respublikasının Dövlət Himninin səsləndirilməsi ilə başlayan tədbirdə məktəbin direktoru Narınc Mehtiyevaya geniş məruzə ilə çıxış etdi. Məktəb şagirdlərinin ötən illərdə qazandıqları nailiyyətlərdən bəhs edən direktor ilk dəfə məktəbə qədəm qoyan I sinif şagirdlərini "Bilik Günü" münasibətilə təbrik edib onlara uğurlar arzu etdi. Şagirdlərin ifasında məktəb, təhsil, müəllim mövzusunda şeirlər ifa olundu. Əsas təhsil üzrə məktəbi fərqlənmə şəhadətnaməsi ilə bitirən 4 şagirdə təntənəli surətdə şəhadətnamələr təqdim olunduqdan sonra ilk zəng çalındı.
