VIII "B" sinfində ədəbiyyat fənnindən qeyri standart dərs keçirildi
"Beynəlxalq kitab və müəllif günü " münasibəti ilə VIII "B" sinfində qeyri standart ədəbiyyat dərsi təşkil olundu. Dərs şagirdlərdən Zəhranın "Kitab və onun yaranma tarixi" adlı təqdimatı ilə başladı. O, çıxışında kitabın yaranma tarixindən bəhs edərək ilk kitab çapının kimlər tərəfindən aparıldığı haqqında , kitab çapı, gözəl yazarlar, kitab müəlliflərindən məlumatlar bildirdi. Sonra Azərbaycanda və xaricdə kitaba verilən dəyər haqqında müzakirə edildi. Şagirdlərin mütaliə vərdişlərinin artırılması istiqamətində kitab oxumağın böyük rolu oduğu nəzərə çatdırıldı.Novruzova Gülər də öz növbəsində müasir Azərbaycan şairi Vahid Əzizin "Mənə yüz il ömür arzulamayın " şerini söylədi. " Beynəlxalq kitab və müəllif günü " olduğundan şagirdlər fransız ədəbiyyatına müraciət etmişdilər. Onlar dahi fransız yazıçısı Gi de Mopassanın "Həsir toxuyan qadın" əsərini müzakirə etdilər. Onlar əsəri səhnələşdirmişdilər. Səhnəcikdə şagirdlər yazıçının bədii ruhunu çox gözəl məharətlə göstərdilər. Səhnəcikdən sonra şagirdlər və müəllimlərlə birgə əsərin məzmunu və obrazlar müzakirə edildi.
