Aprel şəhidlərinin əziz xatirəsinə məktəbdə inşa yazı müsabiqəsi keçirildi
2016-cı ilin aprel ayı Azərbaycan xalqı üçün qürurverici və eyni zamanda acı xatirələrlə yadda qalan bir tarix oldu. Azərbaycan xalqının tarixində bir çox yaddaqalan günlər olmuşdur. Amma 2016-cı ilin aprel ayı qəhrəman , igid Azərbaycan oğulları vətənin işğal altındakı ərazilərindən Füzuli, Ağdam , Tərtər, Xocavənd istiqamətində 2000 hektara yaxın bəzi əraziləri canları bahasına da olsa qaytardılar və şəhidlik zirvəsinə ucaldılar. Biz bu gün həmin şəhidlərimizlə fəxr edir və qürur duyuruq. 2016-cı ilin aprel döyüşləri xalqımız üçün bir igidlik salnaməsidir. Şəhidlərin xatirəsinə məktəbimizdə inşa yazı müsabiqəsi keçirildi. Şagirdlər həmin günlə, şəhidlik zirvəsinə ucalan mərd mübariz oğullarımızla bağlı xatirələrini vərəq üzərinə köçürdülər. İnşalar müəllimlər tərəfindən yoxlanıldı, ən yaxşı inşa müəllifləri rəhbərlik tərəfindən rəğbətləndirildi.
