Məktəbdə aprel şəhidlərinin xatirəsinə videoçarxlar nümayiş etdirildi
Bakı şəhəri üzrə Təhsil İdarəsinin tabeliyində olan məktəblərin 2016-2017-ci tədris ili üçün fəaliyyət planının 1.3.22 bəndinə uyğun olaraq 2016-cı il aprel döyüşlərində şəhidlərimizin xatirəsini əziz tutaraq tənəffüslər zamanı UBTR-i tərəfindən onların xatirəsinə həsr edilən videoçarxlar nümayiş etdirildi. Məktəbin Gənclərin çağırışa qədərki hərbi hazırlıq rəhbəri Manafov Manaf videoçarxlar zamanı şagirdlərə döyüş prosesində baş verən hadisələrdən , qəhrəmanlıq səlnaməsi yazan igidlərimizdən məlumat verdi. Şagirdləri maraqlandıran suallara cavab verdi. O, qeyd etdi ki, Vətən uğrunda canından keçən insanların yad edilməsi xalqın mənəvi saflığının göstəricisidir. Azərbaycan xalqının qanında həmişə vətənə sədaqət hissinin olduğunu vurğulayan hərbi rəhbər Azərbaycan gənclərinin F.Əhmədov, o cümlədən, milli qəhrəman Mübariz İbrahimovun qəhrəmanlığından həmişə nümunə götürəcəyini dedi. O, həmçinin qeyd etdiki, Mübarizlər Fəridlər kimi oğulları olan xalq heç vaxt düşmənə məğlub olmaz. Şəhidlərin ömrü qısa olsada amma şərəfli ləyaqətli həyat yolu keçdilər. Vətən uğrunda canlarını fəda etdilər.
