Şəhid Aslan Rzayevin ailəsi iıə görüş
Məktəbin direktoru Nəriman Məmmədzadə, təsərrüfat işləri üzrə direktor müavini Günel Əliyeva, 6 c sinif şagirdləri və valideynləri məktəbin məzunu olmuş Şəhid Aslan Rzayevin ailəsinə baş çəkərək valideynləri ilə görüşdülər. Aslanın valideynləri onun döyüşlər zamanı, işğal olunmuş ərazilərin azad edilməsi uğrunda aparılmış döyüş əməliyyatlarında şəxsi igidlik və şücaətindən bəhs etdilər.
Qeyd edək ki, Şəhid Aslan Rzayev Azərbaycanın ərazi bütövlüyünün təmin edilməsi uğrunda döyüş əməliyyatlarına qatılaraq , hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün ölümündən sonra "Vətən uğrunda" medalı ilə, Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə ölümündən sonra "Xocavəndin azad olunmasına görə" medalı ilə, Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə isə ölümündən sonra "Füzulinin azad olunmasına görə" medalı ilə təltif edilmişdir.
ALLAH RƏHMƏT ELƏSİN
