27 Sentyabr anım günü ilə əlaqədar dəyirmi masa
27 Sentyabr anım günü ilə əlaqədar dəyirmi masa keçirildi. Dəyirmi masada məktəbin direktoru Nəriman Məmmədzadə, məktəbin tərbiyə işləri üzrə direktor müavini İlahə Quliyeva, tarix müəllimi Əhəd Rzayev, kitabxana müdiri Natavan Həsənova, kitabxanaçı Ofella Ələkbərova və məktəb şagirdləri iştirak etdilər. İkinci Qarabağ müharibəsində həyatını itirən şəhidlərin xatirəsi anıldı və bir dəqiqəlik sükut ilə yad edildi. Əhəd Rzayev 44 günlük müharibədə Azərbaycan Bayrağını işğaldan azad edilən torpaqlarımızda dalğalandırmış, böyük şücaət göstərmiş igid oğullarımız, bütövlükdə xalqımız əzm və iradə, bir yumruq kimi birlik və həmrəylik nümayiş etdirərək, düşmənə sarsıdıcı zərbələr endirməsindən bəhs etdi. Məktəbin direktoru Nəriman Məmmədzadə də həmçinin çıxış edərək Azərbaycan xalqının Vətən müharibəsində göstərdiyi misilsiz qəhrəmanlığından və qazandığı möhtəşəm tarixi zəfər barəsində öz fikirlərini söylədi.
