Gənc rəssam Fəridənin fərdi sərgisi təşkil edilib
Təsviri incəsənət aylığı çərçivəsində istedadlı şagirdlərin fərdi sərgisi təşkil edilir. Pənahova Aybəniz müəllim bu dəfəki sərginin XI b sinif şagirdi Məmmədzadə Fəridənin rəsmlərinə həsr olunduğunu bildirib. Fəridə kiçik yaşlarından rəsm çəkməyə marağı olan istedadlı şagirdlərimizdəndir. Xüsusi qabiliyyətə malik olan Fəridə müxtəlif texnikalarda sərbəst işləməyi bacarır. Akvarel texnikasına və anime janrına isə xüsusi maraq göstərir. Fəridə dəfələrlə rəsm müsabiqələrinə qatılıb və müxtəlif dərəcəli diplomlarla təltif edilmişdir. Eləcə də Rusiyada keçirilən "Мы и коты" beynəlxalq rəsm müsabiqəsində diplomla təltif edilmişdir. Qeyd edək ki, Fəridə ali təhsilini rəssamlıq ixtisası üzrə almağı planlayır. Şagirdimizi sərgisi münasibətilə təbrik edir, uğurlar arzulayırıq!
