Gənc rəssamımızın fərdi sərgisi təşkil edilib
Təsviri incəsənət aylığı çərçivəsində məktəbin istedadlı şagirdlərinin fərdi rəsm sərgisi təşkil edilir. Pənahova Aybəniz müəllim qeyd edib ki, ilk sərgi lX b sinif şagirdi Darışova Səbinənin rəsm işlərinə həsr olunub. Səbinə kiçik yaşlarından etibarən rəsm çəkməyə maraq göstərir. Rəsmlərində müxtəlif texnikalardan- sulu boya, akril, rəngli karandaş və s. sərbəst istifadə edir. Natürmort, mənzərə, eləcə də müxtəlif süjetli kompozisiyalar yaradan şagirdimiz müxtəlif yerli və beynəlxalq rəsm müsabiqələrində dəfələrlə uğurla iştirak edib və diplomlarla təltif edilmişdir. Qeyd edək ki, Səbinənin fərdi sərgisi məktəbdə fəxri guşədə müddətsiz olaraq sərgilənəcək.
Şagirdimizi təbrik edir, uğurlar arzulayırıq.
