“ZƏFƏR – 44” uşaq rəsm yaradıcılıq turnirində uğurumuz
Rəşadətli Azərbaycan ordusunun Vətən Müharibəsində qazandığı möhtəşəm tarixi zəfərə həsr olunmuş “ZƏFƏR – 44” uşaq rəsm yaradıcılıq turnirinin bağlanış sərgisi 2 noyabr 2022-ci il saat 16:00-da Xətai Sənət Mərkəzində açıldı.
Sərgini giriş sözü ilə Xətai Sənət Mərkəzinin direktoru Zahid Əvəzov açaraq, sərgi iştirakçılarını salamladı. Söz alan Xalq Rəssamı Arif Hüseynov, Xətai rayon İcra Hakimiyyətinin humanitar məsəllər üzrə köməkçisi Pənah İmanov, Azərbaycan Dövlət Rəsm Qalereyasının muzey və ekspazisiya şöbəsinin müdiri Elçin Hüseynli və böyük elmi işçisi Ziyarət Cabarova öz ürək sözlərini tədbir iştirakçıları və qonaqlarla bölüşdülər.
Tədbirin qalib gələn şagirdlərimiz Darışova Səbinə (9b), Həsənli Yeganə (10a) sertifikat və hədiyyələr olunmuşdu. Şagirdlərimizi təbrik edirik.
Nəzərinizə çatdıraq ki, Uşaq rəsm yaradıcılıq turnirində 500-dən çox yeniyetmə və gənc iştirak etmişdi və təyin olunan seçim heyəti ərsəyə gələn əsərlərin arasından müəllifin yaşı nəzərə alınmaqla 44 günlük zəfərin şərəfinə 44 əsər sərgilənmək üçün seçilmişdi.
