Ceyhun Hacıbəylinin 125 illiyi münasibəti ilə dərs keçirilib
Azərbaycan Respublikasının görkəmli mühacir yazarlarından olan, görkəmli ictimai xadim, jurnalist Ceyhun Hacıbəylinin 125 illik yubileyi dövlət səviyyəsində qeyd edilməklə yanaşı məktəb daxilində də qeyd olunub. Yubileyin keçirilməsi ilə əlaqədar tədbirlər planı tərtib edilmiş, sərgi təşkil edilmiş, siniflərdə söhbətlər aparılmışdır. Məktəbin ədəbiyyat müəllimi Dadaşova Samirə VI "A" sinfində Ceyhun Hacıbəyliyə həsr edilən dərs keçdi. Şagirdlərə ədib haqqında məlumat verərək ona həsr olunan "Durun gedək evə" adlı sənədli filmi nümayiş etdirdi.
