20 yanvar faciəsinin otuz ikinci il dönümü ilə bağlı məlumatlandırıcı söhbətlər
Məktəbin Uşaq Birliyi Təşkilatı rəhbəri Quliyeva İlahə siniflərdə 20 yanvar faciəsinin otuz ikinci il dönümü münasibəti ilə məlumatlandırıcı söhbət apardı. O, qeyd etdi ki, Azərbaycan xalqı hər il 20 Yanvar şəhidlərinin xatirəsini dərin ehtiramla yad edir. 1990-cı ilin 20 yanvarında Azərbaycan xalqı öz azadlığı və müstəqilliyi uğrunda çox sayda şəhid verdi. Lakin onun iradəsi sınmadı və milli ruhu sarsılmadı. Həmin qırğın zamanı ümummilli mənafelərin müdafiəsi naminə canlarından keçmiş və şəhidlik zirvəsinə ucalmış Vətən övladları misilsiz fədakarlıqları ilə xalqımızın qəhrəmanlıq salnaməsinə yeni parlaq səhifə yazdılar. Sonda Şəhidlərin ruhu 1 dəqiqəlik sükutla yad edildi. Allah şəhidlərimizə rəhmət eləsin.
