"Nizami Gəncəvi - dünya ədəbiyyatının incisi" adlı elmi-praktiki konfrans keçirilmişdir.
18.04.2021- ci il tarixində Sabunçu Regional "Kiçik Akademiya"sının, YAP Sabunçu Rayon Təşkilatı Gənclər Birliyinin, 4 nömrəli VMA-nın təşkilatçılığı ilə Microsoft Teams Platforması üzərindən "Nizami Gəncəvi İli"nin elan olunması ilə əlaqədar "Nizami Gəncəvi - dünya ədəbiyyatının incisi" adlı elmi-praktiki konfrans keçirilmişdir. Konfransda 100 - ə yaxın müəllim, şagird , gənclər iştirak edirdi. Konfransı giriş sözü sözü ilə Sabunçu Regional "Kiçik Akademiya"sının rəhbəri, YAP Sabunçu Rayon Təşkilatı Gənclər Birliyinin sədr müavini , 4 nömrəli VMA-nın prezidenti Sərxan Şahverdiyev başladı. Daha sonra müxtəlif məktəblərin şagirdləri hazırladıqları videoçarxlara baxış oldu və elmi-məqalə müsabiqəsinin qalib müəllim və şagirdləri yazdıqları məqalələri üzrə çıxış etdilər. Konfransda məktəbimizin 9c sinif şagirdi Sadıqova Məşədixanım da iştirak edərək sertifikatla mükafatlandırıldı.Şagirdimizi ürəkdən təbrik edirik!
