“Xarıbülbül” rəsm müsabiqəsində uğurumuz
AMEA-nın Dendrologiya İnstitutunda 27 Mart Elm Günü və Vətən müharibəsində qazanılmış şanlı qələbəyə həsr olunan “Xarıbülbül” mövzusunda foto və əl işlərindən ibarət rəsm müsabiqəsi keçirilib.
Müsabiqə AMEA-nın Dendrologiya İnstitutu, Xəzər Rayon İcra Hakimiyyəti, Xəzər Rayon Gənclər və İdman İdarəsinin təşkilatçılığı ilə karantin qaydalarına riayət etməklə baş tutub.
Müsabiqənin təşkil edilməsində məqsəd Vətən müharibəsində Azərbaycan ordusunun nümayiş etdirdiyi şücaəti gənc rəssamların gözü ilə hər kəsə çatdırmaq olub.
Müsabiqədə iştirak edən şagirdlərimizin- D.Səbinə, Y.Nigar, K.Yaqut, H.Yeganə, C.Nihat, İ.Rəsul, B.Səkinə, B, Nərgiz, A.Leyla, İ.Məleykənin mövzu üzrə rəsmləri sərgilənmişdir. Şagirdlərimizin uğurlu rəsmlərinə görə məktəbimiz FƏXRİ DİPLOM, 7b sinif şagirdi Darışova Səbinə isə TƏŞƏKKÜRNAMƏ ilə təltif edilmişdir.
Qeyd edək ki, müsabiqəyə Gəncə, Qazax, Şəki, Xaçmaz və Lənkəranda yerləşən orta təhsil müəssisələrindən 25, Azərbaycan Dövlət Rəssamlıq Akademiyasından isə 5 olmaqla, ümumilikdə 354 rəsm əsəri, 30 əl işi təqdim edilib.
