"20 yanvar" mövzusunda virtual sərgi təşkil edilib.
Vətənin müstəqilliyi uğrunda canından keçən insanların xatirəsini əbədiləşdirmək üçün hər il ənənəvi olaraq məktəbimizin istedadlı şagirdlərin rəsm işlərindən ibarət sərgi təşkil edilir. Təsviri incəsənət müəllimi Pənahova Aybəniz bu ilki sərgini mövcud vəziyyətlə bağlı olaraq virtual təşkil etdiyini söylədi. Eləcə də sərgidə iştirak edən V-X sinif şagirdlərinin yaratdığı kompozisiyalarda həmin dəhşətli gecəni, azadlıq yolunda şəhid olanları, qan ağlayan qərənfilləri, mövzuya uyğun seçilən işıq-kölgə və rəng həllini yüksək qiymətləndirdi.
Pənahova Aybəniz "İyirmi Yanvar gecəsi baş verənlər qürur və iftixar yerimizdir. Çünki o dəhşətli gecə milli düşüncəmizdə dəyişikliyə səbəb oldu, xalqımız bir amal ətrafında sıx birləşdi. Azərbaycan xalqı azadlığımızın memarlarının əziz xatirəsini heç zaman unutmayacaq" deyə əlavə etdi.
