Məktəbin gənc rəssamları virtual sərgidə iştirak etdilər
Azərbaycan Respublikasının Mədəniyyət Nazirliyi, Azərbaycan Respublikasının Təhsil Nazirliyi, Azərbaycan Televiziya və Radio Verilişləri Qapalı Səhimdar Cəmiyyəti, Xətai Rayon İcra Hakimiyyəti, Azərbaycan Rəssamlar İttifaqı, Naxçıvan Rəssamlar Birliyinin dəstəyi, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə gənc nəsildə milli adət-ənənələrimizə hörmət və milli bayramımız olan Novruzun daha dərindən dərk olunması və gələcək nəsilə ötürülməsi məqsədi ilə ənənəvi olaraq keçirilən “YURDUMUZA BAHAR GƏLİR” adlı respublika uşaq rəsm müsabiqəsinin virtual sərgisində məktəbimizin xüsusi istedadlı şagirdlərinin- Məmmədzadə Fəridə, Rüstəmli Aydan, Fəttahova Zeynəb, Məlikova Zeynəb, Məmmədova Könül, Məmmədova Şəhanə, Əliyeva Nərgiz, İsmayılova Rəvanə, Babayeva Nərgiz, Əliyeva İlahə, Darışova Səbinə, İsgəndərova Mədinənin rəsm işləri də sərgilənmişdir.
Qeyd edək ki, müsabiqəyə ölkəmizin müxtəlif guşələrindən 1300-ə qədər uşaq və yeniyetmə 2000-dən çox əsəri ilə qatılmışdır.
Müsabiqədə fəal iştirak etdiyinə görə məktəbimiz Təşəkkürnamə, şagirdlərimiz isə diplomlarla təltif olunmuşdur.
