31 dekabr - Dünya Azərbaycanlılarının Həmrəyliyi günü və Yeni il tədbiri
Məktəbimizdə 31 dekabr - Dünya Azərbaycanlılarının Həmrəyliyi günü və Yeni il münasibətilə bayram tədbiri keçirildi. Tədbirdə məktəb rəhbərliyi, müəllim heyəti və şagirdlər iştirak edirdilər. İlk öncə Dövlət himni səsləndi və aparıcılar bayram tədbiri haqqında məlumat verdilər. Şagirdlərin hazırladıqları rəngarəng nömrələr alqışlarla qarşılandı. Şaxta baba və Qar qız səhnəyə gələrək hamını bayram münasibətilə təbrik etdi. Müxtəlif ölkələrin rəqslərini nümayiş etdirən şagirdlər tədbir iştirakçıları tərəfindən maraqla izləndi. Məktəbin xor kollektivinin ifasında müxtəlif mahnılar səsləndi. Sonda məktəb şagirdləri Şaxta baba və Qar qızla birgə rəqslər etdilər.
