Azərbaycan Dillər Universitetində bir gün
Azərbaycan Dillər Universitetinin rektoru Kamal Abdulla 2017- ci ildən bu yana belə bir lahiyəyə start verib ki, hər il universitetdə tələbələr arasında səs vermə yolu ilə "Bir günlük xəlifəlik" layihəsi həyata keçirilir. Səs toplamış tələbələr universitetdə müəyyən vəzifələri icra edir. Layihəyə əsasən universitetin II kurs tələbəsi Roza İbrahimli bir günlük universitetin Frankafoniya, Fransız dili və mədəniyyəti mərkəzinin müdiri vəzifəsini icra edirdi. Ümumilli lider Heydər Əliyevin anım gününə hazırladıqları fransızca təqdimat mərasiminə məktəbimizin IX-X sinif şagirdləri də dəvət edilmişdi. Şagirdlərin universitetlə, onun kitabxanası ilə, frankafoniya və fransız dili və mədəniyyəti mərkəzi ilə tanış olmaları onlarda böyük marağa səbəb oldu. Frankafoniya mərkəzində ulu öndər Heydər Əliyevin həyat və siyasi fəaliyyətinə həsr olunan təqdimatı dinlədilər. Mərkəzin aparıcı müəllimlərindən olan Xarici Dillərin metodikası kafedrasının müəllimi Jalə xanım Salmanova mərkəzdə keçirilmiş tədbirlər və orada iştirak etmiş xarici qonaqlar barədə təqdimatı şagirdlərə təqdim etdi.Sonda universitetin xarici müəllimlərindən olar Malek Fradi şagirdlərlə Fransa və fransızlara aid edilən ifadələr barədə söhbət apardı, onlarla xatirə şəkili şəkdirdi. Universitet tərəfindən şagirdlərə hədiyyələr verildi. Bu görüş şagirdlərdə xoş təəssürat yarardı. Belə görüşün təşkil edilib keçirilməsində əməyi keçən hər kəsə məktəbimiz və şagirdlərimiz tərəfindən minnətdarlığımızı bildiririk.
