IX siniflər üzrə buraxılış imtahanlarının nəticələri açıqlanıb
20 aprel 2025-ci il tarixində Dövlət İmtahan Mərkəzi (DİM) tərəfindən keçirilmiş 9-cu sinif şagirdləri üzrə buraxılış imtahanlarının nəticələri açıqlanıb. Məktəbin şagirdləri bu imtahanda fəal iştirak edərək öz bilik və bacarıqlarını nümayiş etdirdilər.
İmtahan nəticələrinə əsasən, məktəbin 9-cu sinif şagirdlərinin əksəriyyəti yüksək nəticələr göstərərək həm müəllimlərinin, həm də valideynlərinin etimadını doğruldublar. Bir neçə şagird maksimuma yaxın bal toplayaraq fərqlənib və nümunəvi göstəriciləri ilə seçiliblər.
Məktəbin rəhbərliyi və müəllim kollektivi şagirdlərin bu uğurunu yüksək qiymətləndirərək onların dərslərə olan məsuliyyətli münasibətini və tədris prosesinə göstərilən diqqətini xüsusi vurğulayıb. Bu nəticələr, eyni zamanda məktəbin təhsil keyfiyyətinin və müəllimlərin peşəkarlığının göstəricisi hesab olunur.
Qeyd edək ki, bu imtahanlar şagirdlərin orta təhsil səviyyəsində biliklərinin qiymətləndirilməsi və növbəti təhsil mərhələsinə keçidləri baxımından mühüm rol oynayır. Nəticələrin ümumilikdə uğurlu olması məktəbdə aparılan tədris işinin düzgün qurulduğunu bir daha təsdiqləyir. Məktəb kollektivi buraxılış imtahanında iştirak edən bütün şagirdləri təbrik edir, onlara gələcək təhsil mərhələlərində də uğurlar arzulayır.
| № | Şagirdin adı,soyadı | Ümumi bal |
| 1 | Qarayev Rasim | 276 |
| 2 | Hümbətova Ayan | 268 |
| 3 | Əmrah Zəhra | 256 |
| 4 | Qasımova Aysel | 247 |
| 5 | Quluzadə Leyla | 234 |
| 6 | Aslanlı Aylin | 230 |
| 7 | Uğurlu Hüseyn | 220 |
| 8 | Rüstəmli Mələk | 219 |
| 9 | Həsənli Mirleyla | 218 |
| 10 | Mirzəyeva Fidan | 212 |
