107 №-li tam orta məktəb

N. Gəncəvi irsi QR kodların dili ilə Layihə şagirdin intelektual bacarıqlarının yaxşılaşmasını müsbət təsir etməsini, onun məktəbdəki bacarıqlarının yaxşılaşmasına müsbət təsir etməsini, onun məktəbdəki akademik bacarıqlarına və gələcəkdə əmək bazarında uğur qazanmasına zəmin yaratmasını nəzərə alaraq həyata keçirilir.     Məktəbin 8a sinif şagirdi Qurbanov Murad Telman oğlu "Nizami Gəncəvi ili" ilə əlaqədar olaraq Nizami Gəncəvi irsini öyrənmək üçün çoxlu məlumatların olmasını və bu məlumatların tez bir zamanda yayılmasını, bu istiqaqmətdə təbliğat aparılması işində kitabların daşınmasına çətinlik yaratdığını qeyd edir. Bunun üçün QR qoduna müraciət etmək olar. Eyni zamanda istənilən informasiya istənilən dildə insanlara çatdırıla bilər.     Bu layihənin həyata keçirilməsində gözlənilən nəticə ondan ibarətdir ki, Azərbaycana qonaq gələn xarici vətəndaşların və ya xaricdə yaşayan digər insanların Nizami Gəncəvi və onun "Xəmsə"si haqqında tam məlumat almasıdır. 

Gənc akademiklərin uğuru Sabunçu rayonu "Kiçik Akademiya"ların qarşılıqlı şəkildə əlaqədə olması məqsədilə "Dünya Azərbaycanlılarının Həmrəylik günü"nə həsr olunmuş "Kiçik Akademiya"lara üzv olan VII-X sinif şagirdləri arasında  "İntellektual Olimpiada" keçirilib. Olimpiadada məktəbimizin şagirdləri iştirak edərək II mərhələyə vəsiqə qazanıblar. 25 dekabrda keçirilən "İntellektual Olimpiada"nın final mərhələsində iştirak edən "Gənc akademiklər" komandası rayon məktəblərinin "Kiçik Akademiya"ları arasında I yerə layiq görülüblər.Sabunçu rayon Gənclər evi tərəfindən qalib komanda Diplom və digər hədiyyələrlə mükafatlandırılıb.