96 №-Lİ TAM ORTA MƏKTƏB

12 sentyabr 2025-ci il tarixində saat 11:00-da 96 nömrəli tam orta məktəbdə yeni tədris ilinin ilk Pedaqoji Şura iclası keçirilib. İclasda məktəb rəhbərliyi, müəllim heyəti və pedaqoji kollektivin digər üzvləri iştirak ediblər.

Toplantını məktəbin direktoru Mehriban Hacıyeva açaraq müəllimləri salamlayıb, yeni tədris ilində qarşıda duran hədəflər və vəzifələr barədə geniş məlumat verib.

Pedaqoji Şuranın gündəliyində bir sıra vacib məsələlər yer alıb:

• Şura gündəliyinin təsdiqi və şura katibinin seçilməsi,

• Yay tədris tapşırıqlarının yerinə yetirilmə vəziyyəti,

• 1–10-cu siniflərə şagird qəbulu, siniflərin komplektləşdirilməsi və pilot siniflərin təşkili,

• Pedaqoji heyət arasında dərs yükü bölgüsünün təsdiqi,

• Sinif rəhbərlərinin və fənn birləşmə sədrlərinin təyin edilməsi,

• Rəhbər heyət arasında vəzifə bölgüsünün aparılması,

• Məktəbin iş rejiminin tənzimlənməsi (zəng cədvəli, növbətçilik, iş həftəsi),

• Şagirdlərin yeni dərsliklərlə təmin olunması

• Məktəb binasının və həyətinin yeni tədris ilinə hazırlıq vəziyyəti,

• “Bilik Günü” tədbirinin təşkili,

• Dərs Müşahidə Qrupunun fəaliyyətinin bu tədris ilində davam etdirilməsi,

• Yeni təyin olunmuş müəllimlərin kollektivə təqdimatı,

• Tədris ili üçün prioritet hədəflər və gözləntilər,

• 10-cu siniflərdə tətbiq olunan təmayülləşmə və bu sahədə işin təşkili,

• İnklüziv siniflərin təşkili və bu siniflərdə sağlam psixoloji mühitin yaradılması,

• “Rəqəmsal bacarıqlar” və STEAM layihələrinin davam etdirilməsi,

• Dərsdənkənar məşğələlərin təşkili,

• Günüuzadılmış qrupun yaradılması,

• Tədris ili üzrə ilk dərs məşğələsinin mövzusu barədə məlumatlandırma,

• Gənclərin Hərbi Hazırlığı (GHH) dərslərinin təşkili.

İclasda qeyd edilən mövzular ətrafında bir sıra məruzələr dinlənilib. Məktəb direktoru Mehriban Hacıyeva qarşıda duran əsas strateji hədəflərdən danışıb, tədris prosesində keyfiyyətin yüksəldilməsi istiqamətində görüləcək işləri diqqətə çatdırıb.

Məktəbin təşkilatçısı Nigar Süleymanova dərsdənkənar məşğələlərin təşkili, günüzadılmış qrupların yaradılması və siniflərin komplektləşdirilməsi barədə geniş məlumat verib.

Məktəb psixoloqu Sevinc Abdullayeva isə inklüziv siniflərdə psixoloji mühitin formalaşdırılması, şagirdlərin məktəbə adaptasiyası və müəllim-şagird münasibətlərinin sağlam təməllər üzərində qurulması ilə bağlı çıxış edib.

Pedaqoji Şura iclasının yekununda yeni tədris ilində məktəbin fəaliyyət istiqamətləri, prioritet hədəflər və qarşıya qoyulan vəzifələr müəyyənləşdirilib. İştirakçılar yeni dərs ilinin daha məhsuldar, səmərəli və uğurlu olacağına əminliklərini bildiriblər.