8 Noyabr - Zəfər Günü ilə bağlı tədbir keçirildi
7 Noyabr 2024 - cü il tarixində məktəbimizdə "8 Noyabr - Zəfər Günü" nə həsr olunmuş tədbir keçirildi. Tədbir Azərbaycan Respublikasının Dövlət Himninin səsləndirilməsi ilə başladı, sonra şəhidlərimizin əziz xatirəsi bir dəqiqəlik sükutla yad edildi. Məktəbin direktoru Azər Həsənov çıxış edərək vurğuladı ki, 8 Noyabr xalqımızın qüdrətinin və milli qürurunun təntənəsi, dövlətimizin nüfuzu və gələcək inkişafını təmin edən misilsiz qələbə,Zəfər günüdür. Bu qələbə Azərbaycan Respublikasının Prezidenti Ali Baş komandan cənab İlham Əliyevin rəhbərliyi və xalqımızın qəhrəman oğullarının şücaəti sayəsində əldə olundu. Tədbirdə müharibənin canlı şahidləri olan qazilərimiz, məktəbimizin şəhid məzunlarının valideynləri də iştirak edirdilər. Qazilərimiz çıxış edərək müharibə ilə bağlı təəssüratlarını, döyüş yoldaşları ilə bağlı xatirələrini tədbir iştirakçıları ilə bölüşdülər. Şagirdlərin çıxışları, şeirlər, məktəbimizin şəhid məzunları haqqında nümayiş olunan video - slayd tədbir iştirakçılarında dərin və xoş təəssürat oyatdı.
