Ətraf aləmi qoruyaq!
Məktəbimizin IX sinif şagirdlərinin iştirakı ilə “ Yaşıl dünya naminə həmrəylik ili ” çərçivəsində tədbir təşkil edildi. Tədbir dünya ədəbiyyatının görkəmli nümayəndəsi Nizami Gəncəvinin və digər Azərbaycan mütəfəkkirlərinin əsərlərindən ətraf mühitin qorunması ilə bağlı fikirlərin təbliğinə həsr olundu. İştirakçılar dahi söz ustadlarının qələmə aldıqları əsərlərdən nümunə gətirməklə ətraf aləmin qorunmasının zəruriliyini qeyd etdilər. Maraqlı diskussiya şəraitində baş tutan tədbirdə şagirdlər təbiətin mühafizəsi ilə əlaqədar öz təkliflərini də dilə gətirdilər.
