Valideynlərlə maarifləndirici görüş keçirilib
Müəllim və valideynlər uşaqların təlim-tərbiyəsinə, inkişafına bərabər təsir göstərdiyindən onların fəaliyyətlərinin qarşılıqlı əlaqələndirilməsi zəruridir. Bu əlaqələndirmənin əsas vasistəsi isə valideyn iclaslarıdır. Valideyn iclaslarının əsas məqsədi valideynlərlə birgə uşaqların təhsili və tərbiyəsinə aid problemlərinin həlli yollarını axtarıb tapmaqdır. Bundan əlavə bu iclaslar valideynlərin pedaqoji maarifləndirilməsi, onları sinfin həyatında iştiraka stimullaşdırmaq, şagirdlərin tərbiyəsinə görə məsuliyyət hissini artırmaq məqsədlərinə də xidmət edir.
Mübariz Nəcəfov adına 86 nömrəli tam orta məktəbdə 2025/2026-cı tədris ilinin ilk valideyn iclasları keçirilib. Sonda valideynlərə ”Bilik günü” tədbirinin təşkil edilməsi qaydaları və onlara əməl olunması ilə əlaqədar maarifləndirici məlumatlar verilib.
