“Şahin” hərbi-idman oyununda növbəti qalibiyyətimiz
Martın 30-da Cəmşid Naxçıvanski adına Hərbi liseydə gənclərin vətənpərvərlik tərbiyəsində mühüm əhəmiyyət kəsb edən “Şahin” hərbi-idman oyunun Xətai rayon mərhələsi keçirilib.
Tədbir Azərbaycan Respublikasının Dövlət Himninin səsləndirilməsi ilə başlanıb. Tədbirdə Xətai Rayon İcra Hakimiyyətinin İctimai-siyasi və humanitar məsələlər şöbəsinin müdiri Pənah İmanov, Vətən müharibəsi iştirakçıları və şəhid ailələri ilə işin təşkili şöbəsinin müdiri Anar Məmmədov, BŞGİİ-nin Xətai rayonu üzrə gənclər və idman sektorunun müdiri Tural Əhmədov, Cəmşid Naxçıvanski adına hərbi liseyin rəis müavini polkovnik - leytenant Vüsal Sevxanov, Vətən müharibəsi şəhidi Əkbər Pənahovun atası Yolçu Pənahov çıxış ediblər.
“Şahin” hərbi - idman oyunun yekun nəticələrinə əsasən Mübariz Nəcəfov adına 86 saylı tam orta məktəbin şagirdlərindən ibarət “Mübarizlər 86” komandası II yerə layiq görülüblər. Şagirdlərimizi təbrik edir, gələcək fəaliyyətlərində uğurlar arzu edirik.
