Azərbaycan dili fənni üzrə növbəti monitorinq keçirilib
Bakı Şəhəri üzrə Təhsil İdarəsinin tabeliyindəki ümumi təhsil müəssisələrinin IV, VI, VII və VIII siniflərində 21 fevral 2024-cü il tarixində monitorinq keçirilib. Azərbaycan dili fənni üzrə yazılı keçirilən monitorinqin əsas məqsədi dövlət dilinin tədrisi vəziyyətinin ölçülməsi, şagirdlərin dinləyib-anlama, oxu və yazı bacarıqlarının yoxlanılması, onlarda bilik və bacarıqların formalaşma səviyyəsinin müəyyənləşdirilməsi və tədrisin keyfiyyətinin daha da artırılmasına nail olunmasından ibarətdir.
Mübariz Nəcəfov adına 86 nömrəli tam orta məktəbdə keçirilən monitorinq zamanı şagirdlərə 16 tapşırıq təqdim olunub və sualların cavablandırılması üçün 45 dəqiqə vaxt verilib.
