VI və VII siniflərə monitorinq keçirilib
Bakı Şəhəri üzrə Təhsil İdarəsinin Təhsilin keyfiyyətinə nəzarət sektorunun təşkilatçılığı ilə VI və VII sinif şagirdlərinin monitorinqi həyata keçirilib. Monitorinqdə VI sinif şagirdlərinə təbiət və VII sinif şagirdlərinə Azərbaycan tarixi fənləri üzrə 20 tapşırıq təqdim olunub. Tapşırıqlar Azərbaycan və rus bölmələri üzrə iki variantda hazırlanmışdır. Tapşırıqların icrası üçün şagirdlərə 45 dəqiqə vaxt verilib.
Monitorinqin keçirilməsində əsas məqsəd fənlər üzrə təqdim olunmuş məzmun çərçivəsində şagirdlərin bilik və bacarıqlarının mövcud vəziyyətini, öyrənmə ehtiyaclarını müəyyən etmək və inkişaf istiqamətləri üzrə kompleks fəaliyyətləri həyata keçirməkdir.
