“Dərviş Parisi partladır” tamaşası şagirdlərin təqdimatında
Azərbaycan Respublikası Nazirlər Kabinetinin 19 dekabr 2018-ci il tarixli Sərəncamı ilə təsdiq edilmiş “Azərbaycan dilinin saflığının qorunması və dövlət dilindən istifadənin daha da yaxşılaşdırılması ilə bağlı Tədbirlər Planı” tərtib olunub.
Mübariz Nəcəfov adına 86 nömrəli tam orta məktəbdə Nəzakət Cahangirovanın təşkilatçılığı, məktəbin məzunu Riyad Babazadənin təşəbbüsü ilə Mirzə Fətəli Axundovun “Hekayəti-Mösyö Jordan və dərviş Məstəli şah” komediyası əsasında “Dərviş Parisi partladır” tamaşası şagirdlərin təqdimatında səhnələşdirilib. Tədbirdə məktəbin direktoru Cavid Əliyev başda olmaqla müəllim kollektivi və şagirdlər iştirak ediblər. Tamaşa tədbir iştirakçıları tərəfindən maraqla izlənilib.
Tədbirin sonunda 1 nömrəli Uşaq-Gənclər Mərkəzinin xalq folkloru dərnəyinin rəhbəri Nəzakət Cahangirova Cavid Əliyev tərəfindən diplom və hədiyyə ilə mükafatlandırılıb.
