“Erkən nikah və onun fəsadları”
Bakı Şəhəri üzrə Təhsil İdarəsinin fəaliyyət planına əsasən, Mübariz Nəcəfov adına 86 saylı tam orta məktəbdə VIII-IX sinif şagirdləri ilə “Erkən nikah və onun fəsadları” haqqında maarifləndirici psixoprofilatik iş aparılıb. Məktəbin şagirdlərinə xüsusi hazırlanan slaydlar, video roliklər nümayiş olunub. Erkən nikah haqqında ümumi məlumat, erkən nikahlara səbəb olan amillər, erkən nikahın yaratdığı fəsadlar mövzularına uyğun olaraq hazırlanan videoçarxlar şagirdlər tərəfindən maraqla izlənilib. Şagirdlərin mövzu haqqında olan düşüncələrini daha geniş şəkildə öyrənmək məqsədilə situasiyalar yaradılıb, onların fikir və ideyaları, həmçinin problemin həllinə dair təkliflər diskussiya əsasında öyrənilib.
