Heydər Əliyev Mərkəzinə növbəti ekskursiya təşkil olunub
Oktyabrın 24-də Mübariz Nəcəfov adına 86 nömrəli tam orta məktəbin təsviri incəsənət müəllimi Lətafət Haqverdiyevanın rəhbərliyi ilə 6c və 8c sinif şagirdlərinin Heydər Əliyev Mərkəzinə ekskursiyası təşkil olunub. Elm və Təhsil Nazirliyi, həmçinin Heydər Əliyev Mərkəzinin təşkilatçılığı ilə təşkil olunan ekskursiyanın məqsədi şagirdlərdə ulu öndər Heydər Əliyev irsinin dərindən öyrədilməsi, yeni nəslin milli-mənəvi dəyərlər və ənənələrə bağlı ruhda böyüməsi olub. Ekskursiya zamanı şagirdlərə Ümummilli liderimizin həyat və fəaliyyəti haqqında geniş məlumat verilib. Qeyd edilib ki, ulu öndərin həyat və fəaliyyəti ilə yaxından tanışlıq şagirdlərin biliklərinin zənginləşməsində, Vətənə, xalqa və dövlətçiliyə sədaqət ruhunun yüksəldilməsində, təxəyyülün formalaşmasında mühüm əhəmiyyət kəsb edir. Daha sonra müəllim və şagirdlər mərkəzi gəzərək ümummilli lider Heydər Əliyevə aid maraqlı faktlar, foto və video materiallar və digər ünikal eksponatlarla tanış olublar.
