“Dövlət ümumi təhsil müəssisəsi təhsilalanlarının geyim formalarının təsvirləri” təsdiq edilib
“Dövlət ümumi təhsil müəssisəsi təhsilalanlarının geyim formalarının təsvirləri”nin təsdiq edilməsi haqqında Azərbaycan Respublikası Nazirlər Kabinetinin 17 mart 2022-ci il tarixli , 96 N-li qərarının icrasının təmin edilməsi məqsədilə geyim forması dəsti məktəbin Pedaqoji Şurasının qərarı ilə müəyyən olunub. Qərara əsasən 2023/2024-cü tədris ilində Mübariz Nəcəfov adına 86 nömrəli tam orta məktəbdə aşağıda təsvirləri verilmiş geyim forması tətbiq olunacaq. Qeyd olunan geyim forması 3 tədris ili üçün dəyişməzdir. Geyim forması seçimi valideyn - müəllim - şagird rəyləri əsasında aparılıb. Eyni görünüşə malik məktəbli forması şagirdlər arasında bərabərliyi təşviq edir. Bildiririk ki, vahid geyim forması şagirdlərə məsuliyyət hissi aşılayır və məktəbin özünəməxsus təhsil mühitinin formalaşmasında mühüm amillərdəndir.
