80 №-li tam orta məktəb

Məktəbimizin futbol komandası11.10.2018-ci il tarixdə Sabunçu rayon İcra Hakimiyyətinin dəstəyi, Bakı şəhər Gənclər və İdman Baş İdarəsi və Sabunçu rayon Gənclər və İdman İdarəsinin təşkilatçılığı ilə Bakıxanov qəsəbəsində yerləşən 74 saylı tam orta məktəbdə “18 oktyabr - Azərbaycanın Dövlət Müstəqilliyi Günü”nə həsr olunmuş silsilə tədbirlər keçirilmişdir. Tədbirdə Sabunçu Rayon İcra Hakimiyyəti başçısının müavini Rəna Fərəcova, Millət vəkili Dilarə Cəbrayılova, Yeni Azərbaycan Partiyası Sabunçu rayon Təşkilatının sədri Mehriban Abasquliyeva və Bakı səhər Gənclər və İdman Baş İdarəsinin İdman şöbəsinin məsul əməkdaşı Salman Əbdulov iştirak edirdilər. Sabunçu Rayon İcra Hakimiyyəti başçısının müavini Rəna Fərəcova çıxışında təbdir iştirakçılarını “18 oktyabr - Azərbaycanın Dövlət Müstəqilliyi Günü” münasibəti ilə təbrik etdi. Qeyd olundu ki, gənclik cəmiyyətin aparıcı qüvvəsidir. Bu qüvvəni yalnız yüksək elm və təhsillə, qabiliyyət və bacarıqla reallaşdırmaq mümkündür. Rəna Fərəcova Azərbaycanda gənclər siyasətinin dövlətin böyük önəm verdiyi prioritet sahələrdən biri olduğunu və gənclərimizin də bu imkanlardan yararlandığını vurğuladı. Daha sonra çıxış edən Millət vəkili Dilarə Cəbrayılova və Yeni Azərbaycan Partiyası Sabunçu rayon Təşkilatının sədri Mehriban Abasquliyeva dövlət tərəfindən gənlərə göstərilən diqqət və qayğıdan və bu istiqamətdə aparılan işlərdən söz açaraq, bu kimi tədbirlərin gənclərin bir fərd kimi yetişməsində mühüm rol oynadığını qeyd etdilər.20 mini –futbol komandası , 8 stet-bol komandası, 15 breyn-rinq komandası və 45 məktəblinin rəsm müsabiqəsində iştirakı ilə 09.10.2018-ci il tarixdə başlanılan yarışlar 11.10.2018-ci il tarixdə final mərhələsi ilə yekunlaşdı. Tədbirin sonunda mini-futbol yarışlarında 3- cü yeri qazanmış 307 saylı məktəbin komandası, 2-ci yeri qazanmış 67 saylı məktəbin komandası, 1-ci yeri qazanmış məktəbimizin komandası qazanmışdır.1-ci yeri 80 sayli məktəbimizin komandası qazanmışdır.Sabunçu rayon Gənclər və İdman İdarəsi tərəfindən diplom və medallar ilə təltif olundular.

Voleybolçu qızlarAzərbaycan Respublikası Təhsil Nazirliyi, Azərbaycan Respublikası Gənclər və İdman Nazirliyi, Azərbaycan Respublikası Milli Olimpiya Komitəsi və Azərbaycan Məktəb İdmanları Federasiyasının birgə təşkilatçılığı ilə keçirilən məktəblərarası respublika çempionatının rayondaxili mərhələsində Bakıxanov qəsəbəsi N.İsmayılov adına 80№-li tam orta məktəbin şagirdləri volleybol idman növü üzrə birinci yer tutaraq diplomla təltif edilmişlər.Respublika təsnifat mərhələsinə vəsiqə qazanmışlar.

“Kiçik şahmatçılarımızın qələbəsi”Sabunçu rayonu N.İsmayılov adına 80 № -li tam orta məktəbin komandası Məktəblər arası Respublika Çempionatının rayon daxili mərhələsində şahmat idman növü üzrə I yer tutub,II təsnifat mərhələsinə vəsiqə qazanmışdır. Abbaslı Mehin Seymur qızı və Əbdurrəhimli Nihat Respublika Çempionatının I mərhələsinə keçən uşaqlardır. Abbaslı Mehin yarış ərzində 7 oyunda max xal 7 balı toplayan tək şagirddir.