- Şəfəq İbişova Vaqif
- Vəzifə: Direktor
- Fənn: Həyat bilgisi, İbtidai təhsil
- Bitirdiyi təhsil müəssisəsi: Azərbaycan Dövlət Pedaqoji Universiteti
- Təvəllüd: 05.04.1988
- İlk fəaliyyət ili: 01.11.2009
- E-mail: [email protected]
Şəfəq İbişova 2005-2009-cu illərdə "İbtidai təhsilin pedaqogikası və metodikası" ixtisası üzrə bakalavr, 2010-2013-cü illərdə isə "Pedaqogika nəzəriyyəsi və tarixi" ixtisası üzrə magistr təhsili alıb. "Kurikulum-Azərbaycan təhsilinin modernləşdirilməsinin istiqamətlərindən biri kimi" mövzusunda dissertasiya müdafiə edib. 2009-2015-ci illərdə Xəzər rayonu 185 nömrəli tam orta məktəbdə, 2015-2017-ci illərdə isə Suraxanı rayonu 84 nömrəli tam orta məktəbdə ibtidai sinif müəllimi vəzifəsində çalışıb. 2009-cu ildə “Fənn kurikulumlarının tətbiqi”, 2014-cü ildə “Promethean interaktiv lövhələrindən istifadə” üzrə, 2015-ci ildə “İnteraktiv texnologiyalardan və elektron məzmundan istifadə” sahəsi, “Təməl” təqaüd proqramı, 2016-cı ildə “Məktəbə hazırlıq qruplarında işləyəcək ibtidai sinif müəllimləri üçün təlimçi hazırlığı proqramı”nda, 2017-ci ildə Avropa Şurası və Avropa İttifaqının Birgə Proqramı “Şərq Tərəfdaşlığı ölkələrində İnsan Hüquqları və Demokratik Vətəndaşlığın Təşviqi” layihəsində iştirak edərək müvafiq sertifikatlara layiq görülüb. Yeni format və məzmunlu "Təməl" layihəsində yüksək nəticə göstərdiyinə görə 2015-ci ildə Təhsil Nazirliyi tərəfindən elektron lövhə dəsti ilə mükafatlandırılıb. Təhsil İşçilərinin Peşəkar İnkişafı İnstitutunda(TİPİİ) "Məktəbəhazırlıq qruplarında işin təşkili metodikası" üzrə və ITE əlavə təhsil mərkəzində "İbtidai siniflərdə ana dili və riyaziyyat fənlərinin məzmunu" üzrə ixtisasartırma təlimlərində təlimçi kimi fəaliyyət göstərib. 16-17 noyabr 2017-ci il tarixlərində Bakıda Azərbaycan Müəllim İnkişafı Mərkəzi (AMİM) və Avropa Azərbaycan Cəmiyyətinin birgə təşkilatçılığı ilə "Öyrənməyi öyrənmək" adlı II Beynəlxalq Təlim Konfransında iştirak edərək beynəlxalq dərəcəli sertifikata layiq görülüb. 2016-2017-ci tədris ilində "Məktəb liderliyi və idarəetmə" adlı təlimdə iştirak edərək müsbət nəticə göstərdiyinə görə 14.09.2017-ci il tarixdən 84 nömrəli tam orta məktəbin direktoru vəzifəsinə təyin edilib. 2018-ci ilin may ayında Təhsil Nazirliyinin həyata keçirdiyi təhsildə inkişaf və innovasiyalar üzrə II qrant müsabiqəsində "Ümumpedaqoji məsələlər mövzusunda öyrədici animasiya filmlərinin hazırlanması" mövzusunda, 2019-cu ildə isə III qrant müsabiqədə "Səriştəli valideyn"-video animasiyaların hazırlanması" mövzusunda hazırladığı layihə ilə ümumi təhsil məktəbi kateqoriyası üzrə 2 dəfə qalib olub. 2019-cu ilin yanvar-fevral aylarında Böyük Britaniyada keçirilən "Erkən yaş təhsili üzrə" ixtisasartırma təlimlərində iştirak edib. 05.09.2022-ci il tarixdən 76 nömrəli tam orta məktəbin direktoru vəzifəsinə təyin edilib.
Əlaqəli xəbərlər
MƏKTƏBİMİZDƏ "BİLİK YARIŞMASININ" NÖVBƏTİ TURU KEÇİRİLDİ
MƏKTƏBİMİZİN MÜƏLLİM VƏ ŞAGİRD KOLLEKTİVİ QUBA SOYQIRIMINI ZIYARƏT ETDİLƏR
Nurlan Muradlı Azad
Məhəmmədəli Əliyev Nəriman
