76 №-li tam orta məktəb

      Ümumi təhsil məktəblərində məktəbdaxili qiymətləndirmənin aparılmasına dair təlimata və məktəbin illik Fəaliyyət Planına uyğun olaraq əldə edilmiş şagird nailiyyətlərinin qiymətləndirilməsi məqsədi ilə yanvarın 15-dən IV-XI siniflərdə 2024/2025-ci tədris ilinin I yarımili üçün Böyük Summativ qiymətləndirmənin keçirilməsi davam edir.

      Məlum olduğu kimi, Böyük summativ qiymətləndirmənin keçirilməsində əsas məqsəd müvafiq məzmun və dəyərləndirmə standartları əsasında hazırlanmış vasitələrlə şagirdlərin nailiyyətlərini üzə çıxarmaq, bilik və bacarıqlarını yoxlamaqdan ibarətdir. Böyük summativ qiymətləndirmə vasitələri ümumi təhsil müəssisəsi rəhbərliyinin təşkil etdiyi komissiya tərəfindən hazırlanır.

       Böyük summativ qiymətləndirmə məktəb rəhbərliyi tərəfindən yaradılan müvafiq komissiyanın nəzarəti ilə fənni tədris edən müəllimlər tərəfindən aparılır.

Məktəbin illik Fəaliyyət planına  uyğun olaraq yanvarın 14-də ibtidai sinif müəllimləri Fatimə Baxşıyeva, Aynur Şahbazovanın təşkilatçılığı ilə 4 ə və 4 e sinif şagirdləri Suraxanı Rayon Heydər Əliyev Mərkəzini ziyarət ediblər.

Məqsəd Ümummilli Liderin xatirəsini əbədiləşdirmək, Azərbaycançılıq məfkurəsinin geniş təbliği və şagirdlərdə vətənpərvərlik hislərinin gücləndirilməsidir.

Mərkəzi ziyarətə gələn şagirdlər Azərbaycan xalqının Ümumilli Lideri, Ulu Öndər Heydər Əliyevin zəngin irsi, Ulu Öndərin həyat və fəaliyyəti haqqında məlumatlarla, mərkəzin “Muzey” və “Kitabxana və İnformasiya Texnologiyaları” bölmələri ilə tanış olublar. Mərkəz haqqında ətraflı məlumatlandırılıblar.  

Məktəbin Fəaliyyət planına müvafiq olaraq əldə edilmiş şagird nailiyyətlərinin qiymətləndirilməsi məqsədilə I yarımil üçün Böyük Summativ Qiymətləndirmələrin keçirilməsinə başlanılmışdır. Xüsusi qrafik əsasında müəyyən olunmuş siniflərdə qiymətləndirmə Microsoft TEAMS proqramı vasitəsilə təşkil olunur.

V-VI siniflərdə tədris dili, Riyaziyyat və xarici dil fənləri üzrə Böyük summative qiymətləndirmələr rəqəmsal formada keçirilir.

        14.01.2025 tarixində RFO rayon (şəhər) mərhələsində uğur qazanan və müvafiq fənlər üzrə yarımfinal turunda iştirak etmək hüququ qazanan şagirdlərlə görüş keçirildi.                  Onlara növbəti mərhələyə hazırlıqla bağlı tövsiyələr verildi və şəhər mərhələsində uğurla iştirak etdikləri üçün təltif edildilər.

      Torpaqlarımızın erməni işğalçılarından azad edilməsi uğrunda Vətən müharibəsində gedən döyüşlərdə canından keçərək şəhadətə yüksələn qəhrəman oğullarımızdan biri Leytenant Yusubov Elzar Süleyman oğlunun doğum günü münasibətilə məktəbin Azərbaycan dili müəllimi Vüsalə Zərbəliyevanın və şagirdlərinin iştirakı ilə anım tədbiri keçirilib.

      Dövlət himninin səsləndirilməsi və Azərbaycanın ərazi bütövlüyü uğrunda canından keçmiş Şəhidlərimizin ruhunun 1 dəqiqəlik sükutla yad edilməsi ilə başlanan tədbirdə məktəb rəhbərliyi, Şəhid ailələri, müəllim və şagirdlər iştirak etmişdir.

      Məktəbin direktoru Şəfəq İbişova və Elzar Yusubovun müəllimləri, onun keçdiyi ömür yolundan, məktəbin məzunu olmasından qürurla söz açıb, təhsil illərində özünü bacarıqlı şagird kimi göstərdiyini, yoldaşlarının və müəllim kollektivinin dərin hörmətini qazandığını, igidliyi ilə gənclərə örnək olduğunu bildiriblər.

      Şagirdlərin təqdimatında Şəhidimiz Elzar Yusubovun keçdiyi şərəfli ömür yolundan bəhs edilərək onun xatirəsi ehtiramla yad edilib, göstərdiyi şücaət və vətənpərvərliyin hər zaman gənc nəsil üçün nümunə olacağı diqqətə çatdırılıb.