Pedaqoji Şuranın iclası keçirilib
Noyabr ayının 19-da Pedaqoji Şuranın iclası keçirildi. İclasda məktəbin direktoru Yasin Quliyev, təlim-tərbiyə işləri üzrə direktor müavinləri Zərifə Cəfərova, Elnurə İsmayılova, məktəbin psixoloqu Turanə İmaməliyeva, uşaq birliyi rəhbəri Cavid Quliyev və müəllim kollektivi iştirak edirdilər.
Məktəbin direktoru Yasin Quliyev çıxış edərək təhsilin keyfiyyəti, məktəbdə görülən işlər, dərsə davamiyyət, məktəb və daxili nizam-intizam qaydaları, məktəbdaxili qiymətləndirmə, nəticəsi zəif hesab olunan, xüsusilə IX sinifdə oxuyan şagirdlər üçün əlavə məşğələlərin təşkil olunması haqqında ətraflı məlumat verdi.
Sonra məktəbin ingilis dili müəllimi, " Kiçik Akademiya" nın prezidenti Alidə Şükürova çıxış edərək " Kiçik Akademiya" nın fəaliyyəti haqqında məlumat verdi və kafedraya müəllimlər seçdi. Sonda müəllimləri maraqlandıran suallara cavab verildi. Bir sıra məsələlər müzakirə olundu.
